FLÆKJA

Sviðslistahópurinn

FLÆKJA

 
IMG_2480.jpeg

Um okkur

Sviðslistahópurinn Flækja var stofnaður haustið 2018 af leikkonunum Sigríði Ástu og Júlíönu Kristínu og er meðlimur Sjálfstæðu leikhúsanna (SL). Hópurinn er um þessar mundir að vinna að leiksýningu fyrir börn á leikskólaaldri, sem ber heitið ,,Það og Hvað” og verður á ferð um landið í allt sumar. Nánari upplýsingar um verkefnið er að finna hér að neðan. Þar að auki taka þær Sigríður og Júlíana að sér veislustjórn og hinar ýmsu skemmtanir. Bókanir og nánari upplýsingar um hópinn eða stök verkefni fara í gegnum tölvupóstfang.

Screenshot 2019-05-09 at 11.20.19.png
 
 

Ert þú að halda Viðburð?

Ekki hika við að hafa samband ef þig vantar veislustjóra eða frumleg og skemmtileg skemmtiatriði fyrir bæði börn og fullorðna. Fyrirspurnir og bókanir fara fram í gegnum netfang:

ÞAÐ OG HVAÐ

Heimurinn helmingi betri er með þér,
að hafa þig með bætir mitt geð,
endalaust lifa og leika sér
í látlausri vináttu og ást.
— Það og Hvað

Leikritið Það og Hvað er skrifað af þeim Sigríði og Júlíönu og fjallar um samnefndar persónur sem lenda í ýmsum ævintýrum sem fá þær til að velta fyrir sér ástinni, vináttunni, lífinu og tilverunni. Persónurnar fá börnin til þess að hjálpa sér að leita svara við þeim spurningum og vangaveltum sem upp koma og tjá einnig hugmyndir sínar og vangaveltur með söng og dansi. Persónurnar klæðast litríkum og skemmtilegum búningum sem fanga athygli yngstu áhorfenda. 

Aðalmarkmið verkefnisins er að skapa spennandi og þýðingarmikið leikhús fyrir börn sem fær þau til að velta fyrir sér lífinu og tilverunni á uppbyggilegan hátt og að auka aðgengi ungra barna um allt land að leikhúsi. Verkefnið verður á ferð um landið í sumar þar sem persónurnar heimsækja hina ýmsu leikskóla og hátíðir.

Sýningin er hugljúf, fyndin og skemmtileg og sérstaklega aðgengileg fyrir börn á leikskólaaldri.

Sviðsmyndin er umfangslítil og er hægt að sýna sýninguna við hvaða aðstæður sem er.

Verkefnið er styrkt af Uppbyggingarsjóði Vesturlands og Menningarsjóði Borgarbyggðar.

 
 

Vilt þú fá okkur í heimsókn?

Persónurnar Það og Hvað verða á ferð og flugi í allt sumar. Endilega sendu okkur línu ef þú hefur áhuga á að fá sýninguna eða persónurnar í heimsókn á leikskólann, hátíðina, afmælið eða bara hvert sem er!

Við tökum við öllum fyrirspurnum og bókunum í gegnum tölvupóstfangið okkar.


IMG_2531.jpeg
IMG_2488.jpeg